Getolog haqida

Telegram kanal va guruhlar uchun avtomatik obuna boshqaruv tizimi

Getolog nima?

Getolog — Telegram kanal yoki guruh egalariga o'z kontentini pullik qilish imkonini beruvchi xizmat. Siz bot ishlab chiqib, narx belgilaysiz. Obunachi to'lov qiladi — kanalga avtomatik kiradi. Muddat tugadi — avtomatik chiqariladi. Hammasi botingiz orqali ishlaydi, siz qo'lda hech narsa qilmaysiz.

Qanday muammoni hal qiladi?

Pullik kanal yuritgan odamlar har bir yangi obunachida bir xil ishni takrorlaydi: to'lov screenshotini kutish, tekshirish, qo'lda kanalga qo'shish, obuna muddatini biror joyga yozib qo'yish, keyin muddati tugaganlarni eslab chiqarib turish.

2–3 kishi bo'lganda bu aytarli emas. Lekin obunchilar soni o'sganda bu ishning o'zi alohida yuk bo'lib qoladi va kontentga vaqt qolmaydi.

Getolog aynan shu muammoni hal qiladi. To'lovni qabul qilishdan tortib, kanalga qo'shish va chiqarishgacha — hammasi avtomatik. Siz faqat kontentingizga e'tibor qarataverasiz.

Kimga mo'ljallangan?

  • Pullik kanal va guruh egalari. Signal kanallar, VIP guruhlar, maxfiy kontentlar — har qanday pullik Telegram resurs egasi uchun.
  • Kurs va ta'lim beruvchilar. Kursni Telegram kanal orqali beradigan va obunachilarga avtomatik ruxsat bermoqchi bo'lgan o'qituvchilar uchun.
  • Hamjamiyat va mastermind egalari. Pullik guruh yuritib, a'zolarni tartibli boshqarmoqchi bo'lganlar uchun.

Qanday ishlaydi?

Siz (kanal egasi) uchun

  1. Telegramda @BotFather ga kirib, yangi bot ishlab chiqing.
  2. @getolog_bot ga kiring va /start bosing.
  3. BotFather bergan bot tokeningizni yuboring.
  4. To'lov qabul qiladigan karta raqamingizni kiriting.
  5. Ishlab chiqilgan botingizni kanalingizga admin qilib qo'shing — kanal avtomatik aniqlanadi.
  6. Obuna narxini va muddatini belgilang.
  7. Tayyor — botingiz ishga tushdi.

Obunachi uchun

  1. Sizning botingizga /start bosadi.
  2. Tilni tanlaydi: o'zbek, rus yoki ingliz.
  3. Mavjud kanallarni ko'radi va keraklisini tanlaydi.
  4. "Sotib olish" tugmasini bosadi — karta raqamingiz chiqadi.
  5. Pul o'tkazadi va to'lov screenshotini yuboradi.
  6. Siz (yoki hamkoringiz) to'lovni tasdiqlaysiz.
  7. Obunachiga bir martalik havola keladi — u orqali kanalga kiradi.
  8. Obuna muddati tugashi yaqinlashganda avtomatik ogohlantirish boradi.
  9. Muddat tugaganda kanaldan avtomatik chiqariladi.

Tarif rejalar

Bepul

1 ta bot ishlab chiqish mumkin. Botda Getolog reklamasi va brendingi ko'rinadi. Hamkor qo'shish imkoni yo'q. Xizmatni sinab ko'rish va boshlash uchun yetarli.

Standart — 97 000 so'm/oy

2 tagacha bot ishlab chiqish mumkin. Reklama olib tashlanadi, lekin Getolog brendingi qoladi. 2 tagacha hamkor qo'shish mumkin.

Biznes — 497 000 so'm/oy

5 tagacha bot ishlab chiqish mumkin. Reklama ham, brending ham olib tashlanadi. 5 tagacha hamkor qo'shish mumkin. Kelajakda Click va Payme orqali avtomatik to'lov qabul qilish imkoniyati qo'shiladi.

Tariflarni batafsil taqqoslash →

Hamkor (yordamchi) nima?

Hamkor — bu siz ishongan odam bo'lib, u sizning botingizdagi to'lovlarni ko'rishi va tasdiqlashi mumkin. Masalan, siz band bo'lganingizda hamkoringiz obunachining to'lovini tasdiqlaydi va u kanalga kiradi. Hamkor botning boshqa sozlamalarini o'zgartira olmaydi.

Xavfsizlik

Sizning bot tokeningiz va karta raqamingiz shifrlangan holda saqlanadi. Biz ularni ochiq ko'rinishda hech qachon saqlamaymiz va uchinchi tomonlarga bermaymiz.

Obunachiga beriladigan kanalga kirish havolasi bir martalik bo'lib, faqat bitta odam foydalanishi mumkin. Bu sizning kanalingizga ruxsatsiz kirishning oldini oladi.

Platforma va botlar o'rtasidagi barcha aloqa himoyalangan. Tashqaridan hech kim sizning botingiz yoki ma'lumotlaringizga kirish imkoniga ega emas.